"Trotz extremer Nervosität durch top Experten bestanden"

Ich bi recht nervös gsi und het nie denkt, dassi bestah. Bin durd Fahrschuel schaltchnüppel.ch eigentlich super vorbereitet gsi und han mi sehr wohlgfühlt uf de Strass und trotzdem hani mer ihgredet, dassi durd Nervosität dPrüefig nid bestah wird.
Ah cho uf em Parkplatz Nr 3 sind üs bereits all Experte entgegecho und de sympathischt isch genau i mini Richtig gloffe. :)

Er het mer churz erchlärt, wie de Ablauf isch und denn simmer dur Wülflinge/Töss und den de Steig deruf nach Brütte. Und au det hani bereits einigi Fehler gmacht. Er seit rechts abüge, ich wett links abbüge oder zb hani au zerst die falsch Strass gno richtig Brütte. Han denn obe sAuto müesse bergsichere und au dete hani biz blöd ahgstellt am Afang. Zu guter Letzt simmer denn ufd Autobahn verbunde mit Überhole. Ich han weder müesse Parkiere no sust was. (Ussert ich bin so nervös gsi und hans vergesse, aber das denki eich nöd )

De Expert het super Gspröch mit mir gha, mer hend über mis Gschäft gredet und er het stets Frage über mini Zuekunftsplän etc gstellt. Wüürkli en extrem nette!

Bin zrug zum Verchehrsamt gfahre mitm Gedanke, dassi nid bestah wird und wer hets denkt, es het doch klappt!
Ich muess zuegeh mini Leistig isch nid top gsi, aber er het gseh, dasi e sicheri Fahrerin bi und nur darum hets dochno glanget.

Ih dem Sinn; toi toi toi, das chunnt guet!